Qazaqstanda azamattardyń aqparatqa qoljetimdiligin 70 paıyzǵa deıin arttyrý kózdeledi - M. Áshimbaev
Aıta keteıik, komıtet otyrysynda «Aqparatqa qoljetimdilik týraly» zań jobasy talqylanǵan bolatyn.
Atalǵan zań jobasyna birqatar Májilis depýtattarybastamashylyq jasaǵan bolatyn. Bul rette qujat negizinen árkimniń zańmen tyıym salynbaǵan kez kelgen tásilmen aqparatty erkin alý jáne taratý jónindegi konstıtýtsııalyq quqyǵyn iske asyrýdy qarastyrady. Sonymen qatar, zań jobasy Elbasynyń bes ınstıtýtsıonaldyq reformasy aıasyndaǵy «ashyq memleketti qalyptastyrý» attybesinshi baǵytyn júzege asyryp, Bul rette «100 naqty qadam» Ult josparynyń 95-96-shy qadamdaryn qamtýdy kózdeıdi.
«Búgingi tańda Qazaqstanda aqparattyq qyzmettiń 40 paıyzy qoljetimdi emes.Sonymen qatar, aqparattyń 40 paıyzy ashyq, 20 paıyzy qupııa aqparattar bolyp tabylady. Búgin qaralyp otyrǵan zań jobasy qabyldansa, biz azamattar úshin aqparattardyń basym bóligi, shamamen 70 paıyzǵa deıin ashyq qoljetimdilik bolady dep boljaımyz», - dedi zań jobasy boıynsha baıandaǵan depýtat Máýlen Áshimbaev.
Onyń aıtýynsha, qujat aqparatqa qol jetkizý tásilderin keńeıtý máseleleri de kózdelip otyr. Máselen, QR Parlamenti palatalarynyń birlesken otyrysyn qosa alǵanda, Parlamenttiń jalpy otyrystaryn, oblystardyń, respýblıkalyq mańyzy bar qalalarynyń, astananyń jergilikti ókildi organdarynyń ashyq otyrystaryn onlaın-translıatsııalaý, sonymen qatar, jyl qorytyndylary boıynsha ótkiziletin memlekettik organdardyń alqalaryn ınternet-resýrstar arqyly aqparatqa qoljetkizý usynylady.
Budan bólek, Memleket basshysynyń tapsyrmasyna sáıkes, jergilikti atqarýshy organdar basshylarynyń, ákimder men ulttyq ýnıversıtet rektorlarynyń eseptik kezdesýlerin ótkizý mindetteledi.
Zań jobasy aldaǵy ýaqytta ótetin Senattyń jalpy otyrysyna shyǵarylmaq.