Qazaqstanda azamattardy shaqyrý ýchaskelerine tirkeý bastaldy
Baspasóz qyzmetiniń habarlaýynsha, tirkeý azamattardy áskerı esepke alý, olardyń sanyn, áskerı qyzmetke jaramdylyq deńgeıin aıqyndaý, mamandyǵy boıynsha alǵan bilim jáne dene daıyndyǵy deńgeıin anyqtaý maqsatynda uıymdastyrylyp, ótkiziledi.
«Áskerı qyzmet pen áskerı qyzmetshilerdiń mártebesi týraly» Qazaqstan Respýblıkasynyń Zańyna sáıkes shaqyrý ýchaskelerine shyqyrylatyn jyly 17 jasqa tolatyn QR er azamattary tirkelýi tıis. Qazirgi ýaqytta jergilikti atqarý organdarynyń sheshimi boıynsha azamattardy medıtsınalyq kýálandyrýdan ótkizetin medıtsınalyq komıssııalar quryldy. Qorǵanys isteri jónindegi basqarmalar (bólimder) azamattardy shaqyrý ýchaskelerine shaqyrý úderisinde emdelýge (medıtsınalyq baqylaýǵa) muqtaj shaqyrylýshylardy aıqyndaıdy jáne olardy emdeý-profılaktıkalyq uıymdarǵa, densaýlyq jaǵdaıy boıynsha jaramdylardy áskerı oqý oryndaryna túskisi keletinderdi Qorǵanys mınıstrliginiń mamandandyrylǵan uıymdarynda oqý úshin tirkeıdi.
Áskerı esepke alǵash ret turǵan azamattarmen jergilikti áskerı basqarý organdarynda Qorǵanys mınıstrliginiń áskerı oqý oryndaryna oqýǵa túsý jáne kelisimshart boıynsha áskerı qyzmettiń keleshegi týraly úgit-nasıhat jumysy júrgiziledi.
