Qazaqstanda azamattardy merzimdi áskerı qyzmetke shaqyrý bastaldy

Bul týraly QR Qorǵanys mınıstrliginiń baspasóz qyzmetinen málim etti.

Azamattardy merzimdi áskerı qyzmetke shaqyrý QR Prezıdentiniń jarlyǵyna jáne QR Úkimetiniń qaýlysyna sáıkes jylya eki ret ótkiziledi.

Jergilikti atqarýshy organdardyń sheshimimen áskerge shaqyrý barysynda azamattardyń densaýlyǵyna tııanaqty tekseris júrgizetin medıtsınalyq komıssııalar quryldy.

Bıylǵy kóktemde 18-27 jas aralyǵyndaǵy 16 myńnan astam
er azamatty ásker qataryna shaqyrý josparlanyp otyr. Olardyń qataryna áskerge shaqyrylýdan bosatylǵan nemese keıinge qaldyrylǵan, sondaı-aq oqý oryndarynan shyǵarylǵan 27 jasqa deıingi azamattar kiredi.

Osy kóktemde Qazaqstan Respýblıkasy Qorǵanys mınıstrliginiń áskerı bólimderine 8 myńǵa jýyq jas shaqyrylmaq. Qalǵan bozbalalar Respýblıkalyq ulannyń, ІІM Іshki áskerleriniń, UQK Shekara áskerleriniń, sondaı-aq Tótenshe jaǵdaılar mınıstrliginiń áskerı bólimderine jiberiledi.

Sonymen qatar, merzimdi qyzmetin ótegen áskerı qyzmetshilerdi josparly túrde zapasqa shyǵarý sharalary da júrgizilýde.

2012 jylǵy kóktemgi áskerge shaqyrýdyń negizgi ereksheligi shaqyrylýshylar sanynyń ulǵaıtylyp, olardyń bilim deńgeıleri men densaýlyqtaryna qoıylatyn talaptyń artýy bolyp otyr. Sondaı-aq, azamattardyń moraldy-psıhologııalyq ahýalyna da barynsha mán berilmek.