Qazaqstanda azamattardy áskerge shaqyrý ýchaskelerine tirkeý bastaldy
«Azamattardy shaqyrý ýchaskelerine tirkeý – bul jastardy áskerı esepke qoıý, olardyń sanyn, áskerı qyzmetke jaramdylyq dárejesin, bilim deńgeıin, alǵan mamandyǵy men dene shynyqtyrý daıyndyǵyn anyqtaý úshin tıisti jergilikti atqarýshy organdar men jergilikti áskerı basqarý organdarymen birlesip júrgizetin áskerı esepke alý is-sharalary. «Áskerı qyzmet pen áskerı qyzmetshilerdiń mártebesi týraly» Qazaqstan Respýblıkasynyń Zańy negizinde Qazaqstanda bıyl on jeti jasqa tolǵan azamat áskerge shaqyrý ýchaskesine tirkelýi tıis» dep málim etti mınıstrlikten.
Tirkeý kezeńinde jastarmen áńgimelesý, áskerı qyzmetke jaramdylyǵyn rastaıtyn medıtsınalyq tekserý júrgizilip, qajetti qujattar tekseredi. Eger tirkeý protsesinde emdelýge (medıtsınalyq baqylaýǵa) muqtaj áskerge shaqyrylýshylardy anyqtasa, onda olardy emdeý-aldyn alý uıymdaryna tirkeıdi.
Áskerı esepke alǵash ret turǵan azamattarmen qorǵanys isteri jónindegi basqarmalarda (bólimderde) Qorǵanys mınıstrliginiń áskerı oqý oryndary boıynsha úgit jumysy júrgiziledi jáne kelisimshart boıynsha áskerı qyzmettiń perspektıvalary túsindiriledi.
Azamattardy shaqyrý ýchaskelerine tirkeý aǵymdaǵy jyldyń qańtar aıynan naýryz aıyna deıin jalǵasady. Qazaqstan boıynsha áskerge shaqyrylýshylardy áskerı esepke 100 000-ǵa jýyq adamdy qabyldaý josparlanyp otyr.
