Qazaqstanda az ýaqytqa kún sýytady
ASTANA. QazAqparat - «Qazgıdromet» RMK-ny 12-14 qańtarǵa arnalǵan aýa raıy boljamyn jarııa etti.
«Aldaǵy eki táýlikte Qazaqstannyń kóptegen oblystaryndaǵy aýa raıyna negizinen atmosferalyq aǵymdar yqpal etedi. Ádettegisinshe mundaı jaǵdaıda kún bulyńǵyr bolyp, qar jaýady. Eldiń basym aýmaǵynda qar jaýyp, burqasyn bolyp, jol kórinisi 1 km-ge deıin shekteledi. Jeldiń kúshi sekýndyna 15-20 metrge deıin jetedi. Ońtústik óńirlerde kóktaıǵaq, tuman bolyp, kórinis aýmaǵy 500 metrge deıin shekteledi»,-delingen habarlamada.
Alaıda atmosferalyq aǵymdardy antıtsıklon almastyrady. Qazirgi tańda ol Povolje aýmaǵyna jetip, respýblıkanyń ońtústik óńirlerine taraýda. Osy antıtsıklonmen birge 14 qańtarǵa taman aýa temperatýrasy az ýaqytqa tómendeıdi.
