Qazaqstanda aıyppul turaqtarynda 8,5 myń kólik tur
ASTANA. QazAqparat - Qazaqstan boıynsha avtokólikterdiń 80 aıyp turaqtary jumys isteıdi. Bul týraly «QazAqparatqa» QR ІІM Ákimshilik polıtsııa komıtetinen habarlady.
«Respýblıka aýmaǵynda ustalǵan kólik quraldaryn ýaqytsha saqtaýdyń 80 arnaıy turaǵy jumys isteıdi. Osy rette Astana qalasynda - 2, Almaty qalasynda - 6, Aqmola oblysynda - 8, Aqtóbe oblysynda - 1, Almaty oblysynda - 9, Atyraý oblysynda - 2, ShQO - 4, Jambyl oblysynda - 12, BQO - 2, sondaı-aq Qaraǵandy oblysynda - 4, Qostanaı oblysynda- 1, Qyzylorda oblysynda - 7, Mańǵystaý oblysynda - 4, Pavlodar oblysynda - 4, SQO - 1 jáne OQO-da - 13 aıyp turaqtary bar»,-dep atap ótilgen komıtet málimetinde.
Atap aıtqanda, QR Ákimshilik quqyq buzýshylyq týraly kodeksine sáıkes, ustalǵan kólik quralyn saqtaý jergilikti atqarýshy organdardyń sheshimimen qurylǵan jáne kommýnaldyq menshik bolyp tabylatyn arnaıy alańdarda nemese turaqtarda júzege asyrylady.
«Búgingi kúni ýaqytsha saqtaýdyń arnaıy turaqtarynda ártúrli negizder boıynsha ustalǵan 8,5 myńnan astam avtokólik bar»,-deıdi komıtet ókilderi.
