Qazaqstanda aıyppul turaqtary jetpeı jatyr

ASTANA. QazAqparat – Elimizdiń kóptegen aımaqtarynda aıyppul turaqtary jetispeıdi. Bul týraly QR Іshki ister mınıstri Marat Ahmetjanov Úkimet otyrysynda aıtty, dep habarlaıdy QazAqparat tilshisi.

«Arnaıy aıyp turaqtaryn ashý máselesin sheshý qajet. Elimizdiń kóptegen aımaqtarynda aıyp turaqtary jetkiliksiz. Mysaly, elordada 2-aq kommýnaldyq turaq bar. Onyń ekeýi de tolyp ketken, syıymdylyǵy – nebári 1,5 myń kólik», - dedi Marat Ahmetjanov.

Іshki ister mınıstriniń aıtýynsha, Aqtóbe men Atyraýda 1 ǵana turaqtan bar. Qaraǵandyda múldem joq.

«Nátıjesinde, tárkilengen avtokólikter zań talaptaryna qaıshy polıtsııa bólimderinde saqtalady», - dedi vedomstvo basshysy.

Buǵan deıin Marat Ahmetjanov «Qorǵaý» qosymshasy jol erejesin jıi buzatyn jáne aıyppul tólemeıtin júrgishýlerdi avtomatty túrde anyqtaıtynyn aıtqan edi. Qosymsha arqyly jalǵan nómirmen júrgen 604 fakti anyqtaldy. 1 609 júrgizýshi kýáliginen aıyryldy. 2 400 memlekettik nómir tárkilendi. Aıyppul turaǵyna 8 myń avtokólik qoıylǵan.