Qazaqstanda aıý men qasqyrdy atýǵa qatysty lımıt ózgerýi múmkin

ASTANA. KAZINFORM — QR Ekologııa jáne tabıǵı resýrstar vıtse-mınıstri Nurken Shárbıev ShQO aýmaǵynda aıý, qasqyr jáne qaban sanynyń artýyna qatysty túsinik berdi.

Aıta keteıik, jaqynda senator Qaırat Tastekeev atalǵan ań túrleriniń sanyn retteýge qatysty depýtattyq saýal joldaǵan edi. 

— Jekelegen aýyldy okrýgterde maldy talaǵan jaǵdaılary boldy. Shyǵys Qazaqstan oblysynda ańdardyń sanyn qadaǵalaıtyn arnaýly uıym bar. Sonyń arasynda qaban sanyn da retteıdi. Sonymen qatar, qasqyrlar sany da rettelip turady. Qajet bolǵanda, ıaǵnı qaýip tónse, lıtsenzııalar berilip, ań aýlaýǵa ruqsat etiledi. Lımıtter jyl saıyn sanaqtardyń negizinde belgilenedi, — dedi N. Shárbıev Senatta tilshiler suraǵyna jaýap bere otyryp.

Onyń aıtýynsha, aıý popýlıatsııasynyń jyldyq ósimi shamamen 50 paıyzdy quraıdy. Shyǵys Qazaqstan oblysynda aıýlar joıylyp bara jatqan túrlerdiń tiziminde joq, olardyń sany shamamen 4,5 myń shamasynda.

Budan buryn habarlanǵandaı, Qazaqstanda sırek kezdesetin janýarlar tizimine taǵy 11 túri engizilmek.

Elimizde qar barysynyń sany qanshalyqty artqany málim boldy.