Qazaqstanda aılyǵy 3 000 000 teńgedeı bolatyn IPO mamany izdestirilýde
ASTANA. 31 qazan. QazAqparat - Qazaqstandaǵy eń qymbat vakansııa boıynsha aı saıyn 3 000 000 teńgege deıin jalaqy usynylyp otyr. Úmitkerge qoıylatyn basty talap - kompanııany 2019 jylǵa qaraı IPO-ǵa shyǵarý. Mundaı aqparatty aǵymdaǵy jyldyń qyrkúıek aıynda júrgizilgen monıtorıng qorytyndysy boıynsha HeadHunter.kz zertteý ortalyǵy jarııalady, dep habarlaıdy Halyqtyq IPO baǵdarlamasynyń resmı saıty.
Bırjaǵa umtylyp otyrǵan iri ındýstrıaldyq kompanııanyń atqarýshy dırektoryna mynadaı talaptar qoıylǵan: 500 adamnan kóp ujymdy basqarý tájirıbesi, sata bilý ıkemdiligi, kapıtaldandyrýdy arttyratyn qabileti men IPO-ǵa daıyndaý tájirıbesiniń bolýy. Aktsııalardyń bastapqy ornalastyrylýy josparlanǵan bırjalyq alań naqtylanbaǵan. Eger kandıdat qoıylǵan mindetti oryndasa, onda ol eńbekaqy mólsherine qosymsha IPO ótkizilgennen keıin 1 000 000-2 000 000 dollar optsıon alady.
Headhunter hh.kz portalyndaǵy Qazaqstannyń barlyq oblystary boıynsha, beriletin aılyq jalaqysy kórsetilgen 4 983 vakansııany saralaǵan. Syıaqy mólsheri kórsetilmegen vakansııalar esepke alynbaǵan.
