Qazaqstanda «Áıelderdiń saıası quqyqtary» jobasy júzege asyryla bastady
ASTANA. 19 qarasha. QazAqparat - «Qazaqstanda parlamentshilikti damytý qory» qoǵamdyq qory Qazaqstandaǵy AQSh Elshiliginiń kómegimen qoǵamda áıelderdiń rólin arttyrýǵa járdemdesý jónindegi shaǵyn granttar baǵdarlamasy boıynsha
2011 jylǵy qazan aıynan bastap «Áıelderdiń saıası quqyqtary (saılaý quqyqtary boıynsha oqytý jáne t.b.)» jobasyn iske asyra bastady.
Jobanyń maqsaty - áıelderdi memlekettik iske qatystyrý, áleýmettik, saıası, zańshyǵarmashylyq jáne kásibı salada sheshim qabyldaý úderisterine áıelderdiń qatysýyn arttyrý.
Jobany iske asyrý sheńberinde Qazaqstannyń 4 aımaǵynda áıelderge arnalǵan semınar-trenıngter ótkizý josparlanǵan.
Semınar-trenıngterdiń maqsaty áıelderdiń memlekettik iske qatysý quqyqtaryn iske asyrýǵa arnalǵan tıimdi tásilderin izdeý bolyp tabylady.
Áıelderdiń sheshim qabyldaý deńgeıindegi tómen kórsetkishteri áıelder máseleleriniń margınaldyq úrdisterine ákelip soqqan. Áıelderdi saıasatta kemsitýge jappaı jumyssyzdyq, kedeılik, áıelderdiń densaýlyǵynyń tómendeýi, demografııalyq krızıs, áıelderge qatysty zorlyqtyń ósýi jáne qoǵamda áleýmettik kerneýliktiń paıda bolýy sebep boldy. Áıelderge qatysty memlekettik saıasatpen qoǵamdaǵy áleýmettik turaqtylyqtyń arasynda týra baılanystylyq bar bolýy bárimizge málim. Sondyqtan saıası, áleýmettik-ekonomıkalyq turaqtylyqty saqtaýǵa arnalǵan mehanızmder jasaý Qazaqstan Respýblıkasynyń basty mindetteriniń biri bolyp tabylady.
Birinshi semınar-trenıng Astana qalasynda 2011 jylǵy 16 qarashada ótken bolatyn.
