Qazaqstanda áıelderdiń eńbegin paıdalaný shektelgen jumystar tizimin alyp tastaý josparlanýda
Іs-sharaǵa QR Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov, QR Adam quqyqtary jónindegi ýákil Elvıra Ázimova, memlekettik organdardyń, úkimettik emes uıymdardyń ókilderi, áleýmettik áriptester jáne basqalar qatysty.
Dóńgelek ústel barysynda QR Eńbek kodeksiniń 16 jáne 26-baptaryna áıelder eńbegin paıdalanýdy shekteıtin jumystar tizimin alyp tastaýǵa baǵyttalǵan ózgerister engizý máselesi qaraldy.
Bul tizimde 213 kásip pen jumys túrleri bar, onda áıelderdiń jumystyń aýyrlyǵyna, zııandy jáne qaýipti eńbek jaǵdaılaryna baılanysty jumysqa ornalasýy shektelgen.
Tizimdi alyp tastaý áıelderdiń barlyq jumystarǵa tura alýyn qamtamasyz etý arqyly olardyń jumysqa ornalasý múmkindikterin keńeıtýge jáne kemsitýshilikke jol bermeý boıynsha ratıfıkatsııalanǵan halyqaralyq qujattar sheńberinde Qazaqstannyń ózine alǵan mindettemelerin oryndaýǵa múmkindik beredi.
Sondaı-aq kásiptik táýekelderdi basqarý júıesi sheńberinde jáne densaýlyq saqtaýdy, sondaı-aq ana bolýdy qorǵaýdy qamtamasyz etý maqsatynda qaýipsiz eńbek jaǵdaılaryn qamtamasyz etýdiń qolda bar tetikterine qosymsha birqatar sharalardy qaraý usynylady.
Osylaısha, áıelderdiń eńbegin paıdalanýǵa tyıym salynatyn kásipter men jumys túrlerin óndiristerdiń, tsehtardyń, kásipter men laýazymdardyń tizimine engizý máselesi qaralady, olarda jumys isteý qosymsha aqyly eńbek demalysyna jáne jumys ýaqytynyń qysqartylǵan uzaqtyǵyna, sondaı-aq eńbekaqynyń arttyrylýyna quqyq beredi (tizimde 8940 jumysshy kásipter men basshylar men mamandar laýazymdary bar).
Budan basqa, «Aýyr jumystar, eńbek jaǵdaılary zııandy jáne qaýipti jumystar salasynda, jerasty jumystarynda eńbek sharttaryn jasasý úshin medıtsınalyq qarsy kórsetilimder tizbesin» bala týý fýnktsııasymen baılanysty áıelder organızminiń fızıologııalyq erekshelikterin eskere otyryp, qosymsha medıtsınalyq qarsy kórsetilimdermen keńeıtý josparlanýda. Qujatqa áıelder úshin jalpy shekteýlerden basqa, aýrýlar men patologııalardyń 9 túrli tobyna shekteýler qosý usynylady.
Qabyldanǵan sharalar keshendi túrde áıelderdiń eńbek bostandyǵyna, qyzmet pen kásip túrlerin erkin tańdaý konstıtýtsııalyq quqyqtaryn iske asyrýǵa yqpal etetin bolady, sondaı-aq eńbek naryǵyna, qarjylyq jáne ózge de resýrstarǵa teń qoljetimdilik jasaý arqyly áıelderdiń ekonomıkaǵa qatysýyn keńeıtýdi qamtamasyz etýge yqpal etetin bolady.
Talqylaý qorytyndysy boıynsha dóńgelek ústelge qatysýshylar áıelderdiń eńbegin paıdalanýǵa shekteý qoıylǵan jumystar tiziminiń kúshin joıýdy qoldady.
