Qazaqstanda áıelder erlerden jarty mıllıonǵa kóp - statıstıka

NUR-SULTAN. QazAqparat - Ulttyq statıstıka bıýrosynyń 2021 jyly júrgizgen halyq sanaǵy qorytyndysyna sáıkes, Qazaqstandaǵy áıelderdiń sany erlerge qaraǵanda basym, dep habarlaıdy QazAqparat.

Sanaq qorytyndysy boıynsha áıelder sany jarty mıllıonǵa (536,3 myń) artyq bolǵan. Paıyzben eseptegende, erlerdiń úlesi - 48,6 paıyz (9 324 840 adam), áıelderdiń úlesi - 51,4 paıyz (9 861 175 adam). 2009 jylǵy halyq sanaǵynda erlerdiń úlesi 48,2 (7,7 mln), al áıelderdiń úlesi 51,8 paıyz (8,2 mln) boldy. Osylaısha, keıingi 10 jylda erler men áıelderdiń araqatynasy erlerdiń paıdasyna 0,4 paıyzǵa ózgergen.

Qazaqstanda 1000 áıelge 945 er adamnan keledi (10 jyl buryn 929 adam bolǵan).

Óńirler arasynda eki oblysta erlerdiń úlesi áıelder úlesinen asyp túsken. Olar Túrkistan oblysy (50,7 paıyz, 1 mln 13 myń áıelge 1 mln 40 myń er adam) jáne Qyzylorda oblysy (50,2 paıyz, 408 myń er adamǵa 406 myń áıel). Almatyda bul kórsetkish shamamen teńesken, 49,8 paıyz er jáne 50,2 paıyz áıel.

Jas ereksheligi boıynsha 5-ten 9 jasqa deıingi uldar men qyzdar kóp. Sonymen qatar, 10 jastan 14 jasqa deıingi qyzdar uldarǵa qaraǵanda áldeqaıda kóp. 20-24 jas aralyǵynda kerisinshe, erler sany áıelder sanynan edáýir asyp túsedi (807 myń er jáne 546 áıel).

2022 jylǵy 1 tamyzdaǵy jaǵdaı boıynsha Qazaqstan halqynyń sany 19 644 067 adam bolǵan.