Qazaqstanda áıelder er adamdarǵa qaraǵanda 9,9 jyl uzaq ómir súredi
ASTANA. Qyrkúıektiń 10-y. QazAqparat /Ernur Aqanbaı/ - Qazaqstanda áıelder er adamdarǵa qaraǵanda 9,9 jyl uzaq ómir súredi. Bul týraly búgin Astanada «Bnews.kz» portalynda ótken onlaın konferentsııada QR Densaýlyq saqtaý vıtse-mınıstri Salıdat Qaıyrbekova aıtty.
«2009 jyly respýblıkamyzdaǵy halyq jasy uzaqtyǵynyń kútilgen kórsetkishi 68,6 jasty qurady. 2008 jyly bul tsıfr 67,1 jas bolatyn. ıAǵnı, elimizde halyq jasynyń uzaqtyǵy ulǵaıyp kele jatyr. Bul rette mynany aıtqym keledi: Er adamdarda ómir jasy uzaqtyǵynyń kútilgen kórsetkishi 1,7 jasqa, al áıelderde 2,1 jasqa ulǵaıdy. Er adamdar men áıel adamdardyń ómir jasy arasyndaǵy mundaı aıyrmashylyq tabıǵı aıyrmashylyqtan 5 jylǵa asyp túsedi jáne búginde 9,9 jyldy quraıdy. Jáne mundaı jynystyq dısproportsııa áıelder arasyndaǵy ólim-jitimge qaraǵanda, erler arasyndaǵy ólim-jitimniń kóptiginen qalyptasty», dedi S. Qaıyrbekova.
Onyń sózine qaraǵanda, erler arasyndaǵy ólim-jitimtiń kóptigi áleýmettik sebepterge baılanysty. Erler arasyndaǵy ólim-jitimniń kórsetkishinde ózine-ózi qol jumsaýdan, zaqymdanýshylyqtan, temeki shegýden jáne alkogoldi ishimdikterdi qoldanýdan bolatyn ólimderdiń, sondaı-aq ınsýlttardyń, ınfarkterdiń, júıke júıesiniń buzýylýynan bolatyn ólimderdiń sany basym. S. Qaırybekova erler arasyndaǵy da, áıelder arasyndaǵy da ólim-jitimdi azaıtý úshin Densaýlyq saqtaý mınıstrligi jumys júrgizip jatqanyn atap ótti. «Salamatty Qazaqstan» densaýlyq saqtaýdy damytý memlekettik baǵdarlamasyn iske asyrý barysynda 2016 jyly qańtardyń 1-inde halyqtyń ómir jasynyń uzaqtyǵyn 70-ke jetkizý josparlanyp otyr», dedi ol.
