Qazaqstanda áıelder basqaratyn shaǵyn jáne orta bıznes sýbektiler sany 41,5 paıyzdy qurap otyr
ASTANA. QazAqparat - Ulttyq ekonomıka mınıstrligi Statıstıka komıtetiniń málimetine qaraǵanda, búgingi tańda elimizde áıel azamatshalar basqaratyn ári belsendi qyzmet etip jatqan 640,5 myń shaǵyn jáne orta bıznes sýbektileri tirkelgen. Olardyń ishinde 542,9 myńy - jeke kásipkerler. Sonymen qatar, áıelder basqaratyn shaǵyn jáne orta bıznes sýbektiler sany 41,5 paıyzdy qurap otyr.
Málimetterge súıensek, áıelder basqaratyn shaǵyn jáne orta bıznes sýbektileri negizinen jappaı jáne bólshek saýda salasynda qyzmet etedi jáne olardyń úlesi bundaı kásiporyndardyń jalpy sanynyń 51 paıyzyn qurap otyr. Budan keıingi kezekte aýyl sharýashylyǵynda (15,5 paıyz), sondaı aq basqa da qyzmetter, sonyń ishinde qonaq úı men tamaqtandyrý qyzmeti salasynda (13 paıyz) áıelder bıznesiniń belsendiligi artqan.
