Qazaqstanda áıelder basqaratyn kompanııalar 4%-ǵa artty

NUR-SULTAN. QazAqparat – Bıylǵy jyldyń 1 shildesindegi jaǵdaı boıynsha elimizde 8,5 myń kásiporyn jumys isteıdi, olardyń ıeleri 100%-y derlik – 29 jasqa deıingi áıelder. Bul bir jyl burynǵyǵa qaraǵanda 3,9%-ǵa kóp, dep habarlaıdy QazAqparat Finprom.kz saıtyna silteme jasap.

Óńirlik bóliniste mundaı kásiporyndardyń basym bóligi qarjy ortalyǵynda, Almatyda ornalasqan. Onda 2,5 myń kompanııa bar, jyldyq ósim — 6,8%. Kóshbasshylar úshtigine Nur-Sultan (2 myń kásiporyn, bir jylda 3,1% ósim) jáne Shymkent (647 kásiporyn, jyldyq ósim — 7,5%) endi. Úzdik 3 óńirge sektordaǵy kompanııalardyń 60,4%-y tıesili.

Salalar bólinisinde jas áıelder basqaratyn kásiporyndardyń kópshiligi kóterme jáne bólshek saýda, sondaı-aq avtojóndeý salasynda jumys isteıdi. Bul salada 2,8 myń kásiporyn bar, bul bir jyl burynǵyǵa qaraǵanda 4,3%-ǵa az. Odan keıin qurylys jáne bilim berý salalary júredi: tıisinshe 1 myń kásiporyn jáne 683 kompanııa.

Eń tómen kórsetkish memlekettik basqarý jáne qorǵanys, energııamen jabdyqtaý, sondaı-aq taý-ken óndirisi salalarynda baıqaldy.

Jergilikti jer bólinisi boıynsha jumys istep turǵan, menshik ıeleri jas áıelder bolatyn 896 kompanııa aýyldy jerlerde (jyldyq ósim 21,9%), 7,6 myń kompanııa qalalarda (jyldyq ósim 2,1%) jumys isteıdi.