Qazaqstanda avtorlyq quqyqty tirkeýshiler kóbeıdi

NUR-SULTAN. QazAqparat – Ádilet organdarynyń taýar tańbalaryna quqyqtardy qorǵaý boıynsha tekserý qyzmeti aıasynda 236 quqyq buzýshylyq anyqtaldy, aıyppul somasy 14 mln teńgeden asty. Bul týraly búgin Ádilet mınıstrliginiń alqa májilisinde málim boldy, dep habarlaıdy QazAqparatt tilshisi.

Zııatkerlik menshik obektilerin tirkeý statıstıkasy 2019 jyly taýar belgilerin halyqaralyq tirkeýdi qosa alǵanda, ónerkásiptik menshik obektilerine 11 679 qorǵaý qujatyn qurady. Avtorlyq quqyq salasynda 6 184 kýálik tirkelgen, bul 2018 jylmen salystyrǵanda 43 paıyzǵa artyq (4 314).

Belgili bolǵandaı, zańsyz aınalymnan jalpy somasy 22 mln teńgeni quraıtyn 31 myńnan astam kontrafaktilik ónim alyndy.

2019 jyly apellıatsııalyq alqanyń shyǵarylǵan sheshimderiniń 90 paıyzy sotqa deıingi qaraý satysynda sot organdaryna odan ári shaǵymdanýsyz sheshildi.

Eske sala keteıik, 2019 jylǵy mamyrda EAEO-ǵa múshe memleketterdiń aýmaqtarynda avtorlardyń quqyqtaryn aýmaqtyq qamtamasyz etýge baǵyttalǵan Avtorlyq jáne sabaqtas quqyqtardy ujymdyq negizde basqarý tártibi týraly kelisimi ratıfıkatsııalandy.

2019 jylǵy qyrkúıekte Eýrazııalyq patenttik vedomstvosymen birlesip, Eýrazııalyq keńistikte biryńǵaı ónerkásiptik úlgini qorǵaýdyń óńirlik júıesin qurý maqsatynda 1994 jylǵy Eýrazııalyq patenttik konventsııaǵa Ónerkásiptik úlgilerdi qorǵaý týraly hattamaǵa qol qoıý boıynsha dıplomatııalyq konferentsııa ótkizildi.