Qazaqstanda avtomobıl jasaý kórsetkishteri 40% artty
Bul týraly QR Ulttyq ekonomıka mınıstri Álibek Qýantyrov Úkimet otyrysynda baıandady.
«Óńdeý ónerkásibinde oń ósý saqtalyp otyr. Óndiris kólemi 3,5% ósti. Kórsetkishtiń ósýi 15 óńirde tirkeldi. Sonyń ishinde eń joǵarǵy ósýdi Batys Qazaqstan, Qostanaı, Abaı oblystary jáne Almaty qalasy kórsetti. Salalar boıynsha mashına jasaý óndirisiniń 28,8%-ke, onyń ishinde avtomobıl jasaýdyń – 40,1% jáne elektr jabdyqtaryn jasaýdyń – 34,9% ósýi tirkeldi», - dedi Ulttyq ekonomıka mınıstri.
Sondaı-aq, azyq-túlik óndirisi – 5,3%, munaı óńdeý ónimderi – 1,9%, qurylys materıaldary – 4,4%, sýsyndar óndirisi – 6,6%, plastmassa buıymdary – 7,8%, jeńil ónerkásibi – 24% ósti.
Taý-ken ónerkásibindegi óndiris kólemi 3,7% joǵarlady. Bul rette munaı óndirý – 5,6%, gaz óndirý – 2,5%, ózge de paıdaly qazbalardy óndirý – 17,4%, taý-ken ónerkásibinde qyzmet kórsetý – 3,2% ósti. Metall kenderin óndirý – 0,2%, kómir óndirý – 8,1% tómendedi.
Oryndalǵan qurylys jumystarynyń kólemi 12,3% ulǵaıdy. 19 óńirde oń ósý tirkeldi, ásirese qurylys-montajdaý jumystarynyń eń kóp ósýi Jetisý, Abaı, Qyzylorda jáne Jambyl oblystarynda baıqaldy.
«Bıylǵy qańtar-maýsymda 7,4 mln sharshy metr turǵyn úı paıdalanýǵa berildi, bul ótken jyldyń sáıkes kezeńimen salystyrǵanda 11,8%-ke joǵary. Turǵyn úıdi paıdalanýǵa berýdiń eń joǵary kórsetkishteri Almaty, Shymkent qalalarynda, sondaı-aq Ulytaý jáne Abaı oblystarynda baıqaldy», - dedi Álibek Qýantyrov.
