Qazaqstanda avtomobıl óndirisi 80%-ǵa artqan
«Ótken jyldy qorytyndylasaq, Qazaqstanda 30 myń avtomobıl qurastyrylǵan. Bul aldyńǵy jylmen salystyrǵanda 78,8%-ǵa artyq. Negizi óndiris ShQO-da ornalasqan. Munda búkil Qazaqstannyń 60,8%-y shoǵyrlanǵan. ıAǵnı bir jylda 18,3 myń avto shyǵarylǵan. Bul aldyńǵy jyldyń kórsetkishimen salystyrǵanda 59,9%-ǵa artyq», - delingen habarlamada.
Óskemende eldegi eń iri eki zaýyttyń biri - «Azııa Avto» AQ istep tur. Jyl sońyna deıin atalǵan zaýyttyń óndiristik qýatyn 30 myńǵa jetkizý kózdelgen.
Qostanaı oblysynda 11,8 myń avto shyǵarylǵan. Munda «SaryarqaAvtoProm» JShS jumys istep tur. Zaýyt sońǵy jyly 2,2 ese ósim kórsetti.
«KazAvtoProm» odaǵynyń tóraǵasy Oleg Alferovtyń aıtýynsha, otandyq avtoóndiris salasy qarqyndy damyp keledi.
«2018 jylǵy kórsetkish (daǵdarysqa deıingi) 2014 jylǵa deıingi mejege jetip qaldy. 2019 jyly naryq odan ári damyp, jeńildikpen beriletin avtonesıelerdiń sany artyp, jylyna 40 myń avtomobıl óndirýge múmkindik berýi yqtımal», - dedi ol.
Aıta ketý kerek, qazaqstandyq avtoóndiris byltyr suranystyń 52,4%-yn qamtamasyz etti.
Osynyń arqasynda ımport kórsetkishi 3,3%- tómendedi.
Qazaqstandyqtar arasynda byltyr Lada kóligine suranys óte kóp bolǵan.
Ekinshi orynǵa Toyota taban tiredi. Úshinshi orynda Hyundai aldy. Úzdik bestikti KIA men GAZ túıindedi.
Byltyr qazaqstandyqtar 27,2 myń tehnıkasyn joıýǵa ótkizgen.
Almaty, Astana, Atyraý, Shymkent, Qaraǵandy, Qostanaı, Oral, Óskemen, Aqtaý, Aqtóbe turǵyndary avtokólik satyp alýda asa belsendilik kórsetken.
