Qazaqstanda avtomobıl qurastyrý 3,5 esege ulǵaıdy
Bul jaıynda Qazaqstan Avtomobıl salasy kásiporyndary odaǵynyń baspasóz qyzmetinen málim etti, dep habarlaıdy QazAqparat.
«2017 jyldyń qańtar-sáýir aılarynda Qazaqstan aýmaǵynda jalpy quny 28,9 mlrd teńgeni quraıtyn 5050 avtokólik quralyn (júk kólikteri men avtobýstardy qosa alǵanda) shyǵardy. Naqty mánde shyǵarylym kólemi ótken jylǵy kórsetkishten 3,5 esege asyp tústi. Jeńil avtomobılder shyǵarý kórsetkishi 5,4 esege artyp, 4571 birlikke jetti», - delingen «QazAvtoÓnerkásip» habarlamasynda.
Aǵymdaǵy jyldyń qańtar-sáýir aılarynyń qorytyndysy boıynsha, 54 avtobýs shyǵarylyp, osydan bir jyl burynǵy kórsetkishten 2 ese artqan. Al júk kólikterin shyǵarý kólemi 36 paıyzǵa qysqaryp, 264 birlikti quraǵan.
Buǵan qosa, taratylǵan aqparatta otandyq avtozaýyttar jyl basynan beri 3859 kólikti satqandyǵy aıtylyp otyr. Bul da ótken jylǵy kórsetkishten 37,2 paıyzǵa kóp. «QazAvtoÓnerkásip» kásiporyndarynyń naryqtaǵy úlesi 32,5 protsentke jetip otyr. Al osydan bir jyl burynǵy úlesi 18,8 protsent bolǵan edi.
Jergilikti qurastyrylǵan avtomobılderdiń ishinde «Azııa Avto» AQ shyǵarǵan kólikter basym. Bul kompanııaǵa jyl basynan beri satylǵan kólikterdiń 73 protsenti nemese 2820-sy tıesili.
Al «SaryarqaAvtoÓnerkásip» JShS bolsa aǵymdaǵy jyly 622 kólik satyp úlgerdi. Olardyń otandyq naryqtaǵy úlesi 17 paıyzǵa teń.
2017 jyldyń 4 aıynyń qorytyndysy boıynsha, Qazaqstanda qurastyrylǵan jeńil kólikterdiń ishindegi barynsha tanymaldyqqa ıe bestiktiń qatarynda Lada (1897 birlik), KIA (600 birlik), Hyundai (345 birlik), Chevrolet (264 birlik) jáne JAC (174 birlik) kólikteri bar.
Aǵymdaǵy jyldyń 4 aıynyń qorytyndysynda sala kásiporyndarynyń respýblıkanyń ishki jalpy ónimi qurylymyna qosqan úlesi 28,9 mlrd. teńgege jetti. Bul osydan bir jyl burynǵy kórsetkishten 15,1 protsentke kóp. 2017 jyldyń qańtar-naýryzynyń qorytyndysynda negizgi kapıtalǵa salynǵan sala kásiporyndarynyń ınvestıtsııasy 2,8 mlrd. teńdegen asyp jyǵyldy.
