Qazaqstanda avtomobılderdi tirkeý jáne júrgizýshi kýáligin berý erejelerindegi ózgerister kúshine endi
ASTANA. QazAqparat - Búginnen bastap Kólik quraldarynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý erejesine, Kólik quraldaryn tirkelý barysynda usynylatyn qujattar (zańdy tulǵa jarǵysy alynyp tastaldy) tizbesin qysqartý bóliginde emtıhan alý jáne júrgizýshi kýáligin berý (QR ІІM-niń 2016 jylǵy 12 sáýirdegi №383 buıryǵy) erejesine ózgerister kúshine endi, sonymen qatar kólik quraldaryn tirkeý týraly kýálikti aýystyrǵanda (joǵalǵanda) kóilk quraldaryn tekserý joıyldy.
Bul týraly QR ІІM Ákimshilik polıtsııa komıtetinen habarlady.
Sonymen qatar atalǵan ózgeristerge sáıkes, búginnen bastap tirkelgen turǵylyqty mekenjaıyna qaramastan Memlekettik korporatsııa ǵımaratynda ornalasqan tirkeý-emtıhan alý bólimshesinde emtıhan tapsyrǵan tulǵalarǵa júrgizýshi kýáligi beriledi.
Buǵan qosa, azamattarǵa derbes daıyndalýǵa jáne «Azamattar úshin Úkimet» memlekettik korporatsııasy ǵımaratynda ornalasqan tirkeý-emtıhan alý bólimshesinde «A, A1, V, V1» sanattarynda avtomoto kólik quraldaryn basqarý quqyǵyna júrgizýshi kýáligin alý emtıhanyn tapsyrýǵa múmkindik beretin norma engizildi.
Emtıhandardy alý protsedýrasy ózgerissiz qalady, teorııalyq jáne praktıkalyq kezeńderden turady. Kólik quraly júrgizýshiligine kandıdat 40 mınýt boıy teorııalyq emtıhan tapsyrady. 32 suraqqa durys jaýap bergen jaǵdaıda praktıkalyq emtıhanǵa jiberiledi.
Praktıkalyq emtıhan tapsyrý barysynda kandıdat 20 mınýt boıy bir-birimen belgili baǵdar boıynsha baılanysqan 12 synaq jattyǵýyn tapsyrýy tıis. Bul rette aıyp baldary 100-den aspaýy qajet.
«Azamattar úshin Úkimet» memlekettik korporatsııasynda kólik júrgizý daǵdysy boıynsha praktıkalyq emtıhan alý qajetti tehnıkalyq quraldarmen jabdyqtalǵan, avtomattandyrylǵan avtodromdarda júrgiziledi.
