Qazaqstanda avtomektepterdiń jaýapkershiligi artady
NUR-SULTAN. QazAqparat – Elimizde júrgizýshi kýáligin berý úshin kýrsanttardy oqytyp, úıretetin avtomektepterdiń qyzmetine júkteletin mindetter arta túspek. Bul týraly «Azamattarǵa arnalǵan úkimet» memlekettik korporatsııasynyń basqarma tóraǵasy Súıenish Ábdildın málim etti, dep habarlaıdy QazAqparat tilshisi.
«Júrgizýshi kýáligin berý protsesin qatańdatý sharasy mamandandyrylǵan HQO-nyń jumysyna tikeleı áser etedi. Oǵan dálel - jýyrda Shymkentte bolǵan oqıǵa. Onyń vıdeosy jelide tarady. Qazirgi ýaqytta birinshi márte synaqtan óte almaǵan kýrsantqa qaıta múmkindik beriledi. Araǵa 7 kún salyp emtıhandy qaıta tapsyra alady. Júrgizýshi kýáligin alýǵa úmitkerler orta eseppen 3-5 ret emtıhan tapsyryp baryp, ótip jatady», - dedi Súıenish Ábdildın ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, eger kýrsant birneshe sanat boıynsha júrgizýshi kýáligin alǵysy kelse, onda 7 kúndi kútpeı, synaqty kún saıyn tapsyra alady.
«Osy oraıda mamandandyrylǵan halyqqa qyzmet kórsetý ortalyqtarynda uzynsonar kezek paıda bolyp jatyr. Árıne, biz HQO jumysyn jetildirý jáne avtomattandyrý boıynsha shara qabyldap jatyrmyz. Biraq ol azdyq etip otyr. Osyǵan oraı biz Іshki ister mınıstrligimen birlesip avtomektepterdiń jaýapkershiligin qatańdatý jaǵyn qarap jatyrmyz. ıAǵnı, avtomektepterde synaq emtıhanyn engizbekpiz. Atalǵan shara kýrsanttardyń HQO-ǵa jetkilikti daıyndyqpen kelip, synaqtan birden súrinbeı ótýine septigin tıgizedi. Sonymen qatar ortalyqtardaǵy kezek sany azaıady», - deıdi ol.
Buǵan deıin basqarma tóraǵa qańtar oqıǵasy kezinde 1414 jelisine 212 myńnan astam qońyraý túskenin jetkizdi.
Sondaı-aq, qazaqstandyqtarǵa jeke kýálik pen tólqujatqa sýretke ózderi túsip, unaǵan fotony tańdaý múmkindigi beriledi.
