Qazaqstanda avtokólik satyp alýshylardyń sany artqan

ASTANA. KAZINFORM — Jeltoqsan aıynda 179,4 myń birlik avtokólik quraly esepke qoıyldy. Bul týraly Ulttyq statıstıka bıýrosy málim etti. 

Ulttyq statıstıka bıýrosynyń málimetinshe, ótken jylmen salystyrǵanda kórsetkish 44,5% artqan. Onyń ishinde avtobýstar 24,5%, júk avtomobılderi 38% sondaı-aq jeńil avtomobılder sanyn tirkeý 45,2% ulǵaıǵan. 

2024 jyl basyndaǵy Qazaqstan avtoparkiniń kóliktiń shyǵarylǵan jyly boıynsha kórinisi:

20 jyldan asqan — 2 459 myń avtomobıl

10-nan 20 jylǵa deıin — 1 265,6 myń avtomobıl

7-dan 10 jylǵa deıin — 680,7 myń avtomobıl

3-ten 7 jylǵa deıin — 590,8 myń avtomobıl

3 jylǵa deıin — 319,7 myń avtomobıl

«2023 jyldyń 12 aı ishinde 15 886 jol-kólik oqıǵasy tirkelip, 22 097 adam zardap shekken. 2022 jylǵy tıisti kezeńmen salystyrǵanda oqıǵalar sany 7,1%, zardap shekkender sany 2,5% ósken» - delingen habarlamada.