Qazaqstanda avtokólik sany 6 mıllıonǵa jýyqtady
ASTANA. KAZINFORM – Qazaqstanda tirkelgen avtokólik sany 6 mıllıonǵa jaqyndady. 2026 jylǵy 1 maýsymdaǵy jaǵdaı boıynsha elde 5 mln 995 myń kólik quraly esepte tur.
Mamyr aıynda 147,7 myń avtokólik quraly tirkelgen. Onyń ishinde 129 myń jeńil avtomobıl, 8,7 myń júk kóligi, 1,3 myń avtobýs jáne 1,6 myń mototsıkl bar.
«2026 jylǵy 1 maýsymdaǵy jaǵdaı boıynsha Qazaqstanda 5 mln 995 myń avtokólik quraly tirkelgen. Onyń 84,2%-y jeńil avtomobılder», – dep habarlady Ulttyq statıstıka bıýrosy.
Kólikterdiń 80%-y benzınmen júredi. Dızel otynyn paıdalanatyn kólikterdiń úlesi – 7,6%, aralas otyndaǵy kólikter – 6,5%, al gazben júretin kólikterdiń úlesi 0,4% boldy.
«Elektr qýatymen júretin 32 479 kólik quraly tirkelgen, bul jalpy kólik sanynyń 0,5%-yn quraıdy», – delingen resmı aqparatta.
Elektromobılder eń kóp tirkelgen óńirler qatarynda Almaty qalasy kósh bastap tur. Munda 17 506 elektr kóligi esepke alynǵan. Odan keıin Astana qalasy (3 235), Almaty oblysy (2 857) jáne Shymkent qalasy (1 042) ornalasqan.
Aıta keteıik, qyzmettik kólikterdi alýdyń artyqshylyǵy men kemshiligi týraly mynaý siltemeden oqı alasyz.
