Qazaqstanda avtokólikterdi benzınniń ornyna suıytylǵan gazǵa kóshirý yntalandyrylady

ASTANA. QazAqparat - 2015 jyly Energetıka mınıstrligi energııa únemdeýge arnalǵan baǵdarlama ázirleýdi josparlap otyr. Ondaǵy maqsat - avtokólikterdi benzınniń ornyna suıytylǵan gazǵa kóshirý men shaǵyn dvıgateldi kólikterge jurtshylyqty yntalandyrý.

Atap aıtqanda, elimizdegi energoúnemdeý áleýeti bastapqy energetıkalyq resýrstardyń jalpy tutyný mólsheriniń shamamen 27 paıyz deńgeıinde baǵalanady.

Osy oraıda Energetıka mınıstrliginiń múddeli memlekettik organdarmen birlese ázirlep jatqan baǵdarlamasyn júzege asyrý elimizdegi avtoparkterdi jańǵyrtýǵa yntalandyrady. Munymen qosa baǵdarlama suıytylǵan gazǵa kóshý esebinen munaı ónimin tutyný mólsherin azaıtyp, shaǵyn dvıgateldi avtomobılderdiń sanyn arttyrýǵa septigin tıgizedi, elimizdiń ekologııalyq jaǵdaıyn jaqsartady.

Bul baǵyttaǵy sharalar Qazaqstannyń «jasyl» ekonomıkaǵa kóshý saıasatynda úlken mańyzǵa ıe bolmaq ári ekologııa máselelerdi sheshýde qomaqty úles qospaq.