Qazaqstanda avtokólik sany kúrt artty

ASTANA. QazAqparat – Joldaǵy apat sanyn tek polıtsııa kúshimen azaıtý múmkin emes. Bul týraly elordada joldaǵy qaýipsizdik salasynda jańa tehnologııalardy paıdalaný taqyrybyndaǵy forýmda QR Іshki ister mınıstriniń orynbasary Igor Lepeha aıtty, dep habarlaıdy QazAqparat tilshisi.

«Jyl saıyn 2,5 myńǵa jýyq adam jol apatynan mert bolady. Sonymen qatar, taǵy 19-ǵa jýyq adam jaralanyp otyr» - dedi Igor Lepeha.

Onyń aıtýynsha, bul másele boıynsha elimizdegi jaǵdaı kúrdeli. Sondyqtan joldaǵy qaýipsizdikke qatysty erekshe nazar aýdarylyp otyr. Degenmen joldaǵy apat sanyn tek polıtsııa kúshimen azaıtý múmkin emes

«Bul másele Memleket basshysynyń qatysýymen bolǵan Qaýipsizdiń Keńesi otyrysynda birneshe ret qaraldy. Elimizde avtokólik parki eleýli túrde ósti. Keıingi 12-15 jylda avtokólik sany 3 mln-nan 5 mln-ǵa deıin artty. Sonymen qatar, jyl saıyn halyqaralyq tranzıt aǵyny da ósip keledi. Jaz kezinde elimizge ózderiniń kóligimen saparlap keletin shetel azamattary kóbeıedi. Elimizdiń azamattary da basqa óńirlerge barady. Bul turǵyda joldaǵy apat kúrt ósýi múmkin. Joldaǵy apat sanyn tek polıtsııa kúshimen azaıtý múmkin emes», - dedi Igor Lepeha.

Budan buryn habarlanǵandaı, jyl saıyn elimizde 13 myń jol-kólik oqıǵasy tirkeledi.