Qazaqstanda avtokólik qujatyn ınternet arqyly rásimdeýge bolady - Asqar Jumaǵalıev

ASTANA. QazAqparat - Qazaqstanda aldaǵy ýaqytta avtokólikterdi rásimdeýge qatysty qujat jumystary Halyqqa qyzmet kórsetý ortalyqtaryna barmaı-aq, ınternet arqyly retteýge bolady. Bul týraly QR Aqparat jáne kommýnıkatsııalar mınıstrliginiń keńeıtilgen alqa májilisinde QR Premer-Mınıstrdiń orynbasary Asqar Jumaǵalıev málim etti, dep habarlaıdy «QazAqparat» HAA tilshisi.

«Jartyjyldyqtyń sońyna deıin bir jumysty júzege asyramyz dep otyrmyz. Naqtyraq aıtqanda, avtokólikterdi rásimdeý jumysy Halyqqa qyzmet kórsetý ortalyqtaryna barmaı-aq, úıden ınternet arqyly retteledi. ıAǵnı, siz ınternet arqyly tapsyrys berip, qajetti qujatty «Qazposhta» arqyly ala alasyz. Bul qadam kólik júrgizýshilerine unaıdy degen senimdemin. Bizge osy jumysty júzege asyrý kerek», - deıdi Asqar Jumaǵalıev.

Aıta ketsek, «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tapsyrmasy boıynsha elimizde «Tsıfrlyq Qazaqstan» memlekettik baǵdarlamasy qabyldanǵan bolatyn.