Qazaqstanda avtogaz quıatyn 100 stansa salynady
Kezdesý barysynda servıs nysandaryn damytý, olardy ulttyq standart talaptaryna sáıkestendirý, jol boıyndaǵy keshenderge jer bólý, qajetti kommýnıkatsııalardy ótkizý jáne «QazTransGaz» AQ-men birlesip jol boıynda gaz quıý beketterin salý máseleleri talqylandy.
Qazirgi tańda Túrkistan oblysyndaǵy jol boıynda qyzmet kórsetetin 158 nysannyń tek 32%, al Jambyl oblysy boıynsha 61 nysannyń 41% ulttyq standarttarǵa saı. Jospar boıynsha QR gaz tartylǵan óńirlerinde 100 avtogaz toltyrý kompressorlyq stantsııasynyń qurylysy kózdelgen. Onyń janynda kempıng, qonaq úı, saýda oryndaryn, tehnıkalyq qyzmet kórsetý stansasyn, avtokólikterdi jýý oryndaryn, zamanaýı dárethanalardy, jeńil jáne júk avtokólikterine arnalǵan turaqtardy ornatady. Sonymen qatar, dızeldi otyndy gazǵa aýystyrý arqyly kólik shyǵyndary azaıyp, ekologııalyq taza metan esebinen atmosferaǵa tıgizetin zııannyń kórsetkishi tómendeıdi.
Jıynnyń nátıjesi boıynsha óńir basshylyǵyna jol boıyndaǵy servısterdiń qazirgi jaǵdaıyn jaqsartý, usynylatyn qyzmetterdiń sapasyn arttyrý tapsyryldy.
Eske salsaq, «QazAvtoJol» UK» AQ men «QazTransGaz» AQ Qazaqstanda tabıǵı gazdy motor otyny retinde paıdalanýdyń óndirý-ótkizý ınfraqurylymyn damytý máselesi boıynsha memorandýmǵa qol qoıǵan bolatyn.
Memorandýmnyń máni – taraptar birlesken jobalardyń, onyń ishinde halyqaralyq «Batys Eýropa - Batys Qytaı» avtojolynyń qazaqstandyq ýchaskesinde jáne respýblıkalyq mańyzdaǵy avtojoldarda kólikke gaz quıý beketteri bar jol boıyndaǵy servısterdiń qurylysyn júzege asyrý týraly seriktestik.
