Qazaqstanda avtobýstarǵa bıletter satýdyń biryńǵaı júıesi qurylady
ASTANA. QazAqparat - Qazaqstanda avtobýs reısterine bılet satýdyń biryńǵaı júıesi quryldy. Ol týraly búgin OKQ-indegi brıfıngte «Tehnologııalardy kommertsııalandyrý ortalyǵy» JShS bas dırektorynyń orynbasary Aızada Nurlybaeva habarlady.
Onyń aıtýynsha, TKO Qazaqstandaǵy avtobýs reısterine elektrondyq bıletterdi satyp alýdyń biryńǵaı júıesin iske qosýǵa 18,1 mln teńge bóldi. Júıe AparuBus atalady. Ol tolyqtaı otandyq ázirleme. «Áli kúnge deıin keri qaıtý bıletin satyp alý múmkindiginsiz avtobýsqa bıletterdi tek avtovokzal nemese avtostansa kassasynan satyp alýǵa bolatyn bolsa, bizdiń AparuBus baǵdarlamamyz bıletterdi agenttik kassalarynan, úıden shyqpaı-aq aparubus.kz arnaıy saıtynan satyp alýǵa múmkindik beredi», - dedi ol. AparuBus bıletterdi tasymaldaýshylardyń ózderiniń satyp, marketıngtik saıasatty aıqyndaýyna jol ashady. «Búginde tehnologııa avtorlary reısterdiń elektrondyq bazasyn ulǵaıtýda. Sondyqtan agenttik kassalar ókilderi bizdiń ázirleýshilerimizge júginip, bılet satýdyń ońaılatylǵan júıesimen jumys isteýine bolady. Jobanyń maqsaty - Qazaqstanda avtobýs reısterine bıletterdi satýdyń biryńǵaı júıesin qurý», - dedi ol.
