Qazaqstanda avtobýs júrgizýshisi mamandyǵy boıynsha bilim alýshylar 20 esege azaıǵan

ASTANA. KAZINFORM – 2014 jylǵa deıin D sanaty boıynsha 3 jyl kóleminde 84 myń adam oqyǵan. Keıin talaptar qatańdatylyp, mamandyqqa degen qyzyǵýshylyq kúrt tómendegen.

Bul týraly QR Kólik mınıstri Marat Qarabaev Qonaev qalasynda ótken turǵyndarmen kezdesýde aıtty.

«Birinshi jartyjyldyqta Májilis biz usynǵan ózgertýlerge qoldaý kórsetip, tamyz aıyna deıin másele túbegeıli sheshiledi dep úmittenemiz. Atap aıtqanda, jas kórsetkishi 23 jasqa deıin azaıyp, D1 sanaty úshin júrgizýshi ótiline qoıylatyn talap 3 jyldan 1 jylǵa deıin tómendeıdi. Taldaý jumystary kórsetip otyrǵandaı, 2014 jylǵa deıin D sanaty boıynsha 3 jyl kóleminde 84 myń adam oqyǵan. Talaptar qatańdatylǵannan keıin avtobýs júrgizýshisi biliktiligi boıynsha oqıtyndardyń sany 4 myń adamǵa deıin qysqarǵan. Bul óte az», - Marat Qarabaev.

Mınıstr munymen másele tolyqtaı sheshilmeıtinin, dese de alǵysharttary bar ekenin atap ótti.