Qazaqstanda avtobýs júrgizýshilerine qoıylatyn talapty kúsheıtý josparlanýda
ASTANA. 15 sáýir. QazAqparat - QR ІІM Jol polıtsııasy komıteti qoldanystaǵy zańnamaǵa avtomobılmen jolaýshylar tasymaldaýdy jetildirý ári qaýipsizdikti arttyrýǵa baǵyttalǵan ózgertýler ázirledi.
Atap aıtqanda, qazirgi ýaqytta Parlament Májilisiniń qaraýynda jatqan «Jol qozǵalysy týraly» zań jobasynda túngi ýaqytta (23-ten tańǵy 6-ǵa deıin) avtobýspen jáne shaǵyn avtobýspen qalaaralyq, oblysaralyq, aýdanaralyq, halyqaralyq joldarda jolaýshylar men júkterdi tasymaldaýǵa shekteý qoıý kózdelgen.
Atalǵan vedomstvo baspasóz hatshysy Irına Lýkıanınanyń atap ótýinshe, aýyr zardaptary bar jol ústindegi oqıǵalardyń basym bóligi túngi ýaqytta halyqaralyq jáne respýblıkalyq mańyzdaǵy tas joldarda jolaýshylar tasymaldaıtyn kóliktermen oryn alady. Máselen, 2012 jyly oryn alǵan jol-kólik oqıǵalarynyń árbir tórtinshisi túnde tirkelgen. Oqıǵa saldarynan myńnan astam adam qaza tapsa, 4,3 myń jolaýshy túrli dene jaraqatyn aldy.
Sonymen qatar atalǵan zań jobasynda 8 orynnan asatyn, jolaýshylar tasymaldaýǵa arnalǵan kólik quraldaryn basqarý quqyǵy alý úshin júrgizýshilerdiń jasyn 23-ke deıin arttyrý kózdeledi ári júrgizýshiniń 5 jyl jumys ótili bolýy tıis.
Aıta keterligi, osy jyldyń basynan beri respýblıka joldarynda 75 oqıǵa tirkelip, 8 adam qaza tapsa, 120 adam túrli dene jaraqatyn aldy.
