Qazaqstanda avtobýs tasymaly kóbeıip, taksı tutynýshylary azaıdy
NUR-SULTAN. QazAqparat – Qazaqstanda jolaýshylar tasymaly bir jylda 3,5%-ǵa ósti, dep habarlaıdy QazAqparat Energyprom.kz resýrsyna siltememen.
2019 jyly Qazaqstanda 4,2 mlrd tonna júk tasymaldandy, bul ótken jylǵy kezeńmen salystyrǵanda 3,3%-ǵa kóp. 2018 jyly bul kórsetkish 4,1 mlrd tonnany quraǵan.
On eki aıdaǵy júk aınalymy 609,3 mlrd tonnany qurap, bir jylda 2,2% ósimdi kórsetken.
Júk kólikteri barlyq júk tasymalynyń 83,8% qurady (3,6 mlrd tonna). Taǵy 0,4 mlrd tonna júk (tasymaldaýdyń 9,6%) temirjol kóligimen tasymaldanǵan.
2019 jyldyń 12 aıynda jolaýshylar tasymaly bir jyl burynǵy 23,02 mlrd jolaýshyǵa qaraǵanda 23,83 mlrd jolaýshyǵa jetti (ósim 3,5%). Jolaýshylar aınalymy 295,2 mlrd shaqyrymǵa jetti, bul kórsetkish bir jylda 4,9%-ǵa ósti (2018 j. - 281,5 km.).
Ádette jolaýshylar tasymaly boıynsha negizgi aýyrtpalyq avtomobıl jáne qalalyq elektrlik kólikterine túsedi: bul segmentte 2019 jyly 23,8 mlrd jolaýshy tasymaldandy, bir jyl buryn bul kórsetkish 22,99 mlrd adamdy quraǵan (ósim 3,5%).
Kólik túrleri boıynsha negizgi tasymaldaýshy – avtobýstar (17,5 mlrd jolaýshy – ótken jylǵy kórsetkishten 5,9% kóbirek) men taksı (6,2 mlrd jolaýshy – ótken jylǵy kórsetkishten 2,9% az) bolyp otyr.
2019 jyly áýe kóligimen 8,6 mıllıon jolaýshy saparlaǵan, al bir jyl buryn - 7,9 mıllıon jolaýshy tasymaldanǵan edi (9,6% ósim).
Jolaýshylar men júk tasymaly qyzmetterin usynatyn kásiporyndardyń kirisi 2018 jyly 2,8 trln teńge bolsa, 2019 jyly 3,1 trln teńgeni qurady.
