Qazaqstanda avıatasymaldaýshylardyń tabysy artty
ASTANA. QazAqparat - 2017 jylǵy qańtar-aqpanda avıatasymaldaýshylar tabysy ótken jylǵy osy kezeńmen salystyrǵanda 19 paıyzǵa artty, dep habarlady finprom.kz.
Avıakompanııalar tabysynyń artýy - jolaýshylar tasymaly. 2016 jylǵy qańtar-aqpandaǵy somamen salystyrǵanda, aǵymdaǵy jyly jolaýshylar tasymalynan túsken tabys 5 mıllıard teńgege ulǵaıyp, 33 mıllıardqa jetti.
Bir jylda kargo-tasymaldaýdan túsim barynsha az, 3 paıyzǵa nemese 24 mıllıon teńgege artty.
2017 jyly qazaqstandyqtar men QR rezıdenti bolyp tabylmaıtyndar 2015-2016 jyldarmen salystyrǵanda áýe kóligin barynsha belsendi paıdalana bastady. Aǵymdaǵy jylǵy 2 aıda avıatasymaldaýshylar 911 myńǵa jýyq adamdy tasymaldady. Bul 98 myńǵa nemese bir jyl burynǵy deńgeıden 12 paıyzǵa kóp.
Áýe tasymaly sektorynda belsendiliktiń eleýli ulǵaıýy Qazaqstandaǵy azamattyq avıatsııany damytýdyń memlekettik maqsattaryna sáıkes keledi.
