Qazaqstanda avıatsııalyq qaýipsizdik zańmen kúsheıtiledi
ASTANA. QazAqparat - Búgin QR Parlamenti Senaty Ekonomıkalyq saıasat, ınnovatsııalyq damý jáne kásipkerlik turaqty komıtetiniń depýtattary «Áýe keńistigin paıdalaný jáne avıatsııa qyzmetine baılanysty keıbir zańnamalyq aktilerge ózgerister men tolyqtyrýlar engizý týraly zań jobasyn birinshi oqylymda qarady, dep habarlaıdy QazAqparat.
«Atalǵan zań jobasynyń negizgi maqsaty avıatsııa salasynda qoldanystaǵy zańnamany jetildirý jáne búgingi Qazaqstannyń avıatsııasy salasyndaǵy qyzmettin BUU-nyń Azamattyq avıatsııa salasyndaǵy halyqaralyq uıymy qaǵıdattary men talaptaryna sáıkestendirý bolyp otyr. Sonymen birge osy saladaǵy memlekettik retteý, avıatsııa salasynda qyzmet kórsetetin kompanııalardyń jaýapkershiligin arttyrý, avıatsııalyq qaýipsizdik sııaqty mańyzdy ózgertýler men tolyqtyrýlar qarastyrylǵan», - dedi zań jobasyna qatysty túsinikteme bergen senator Sársenbaı Eńsegenov.
Onyń atap ótýinshe, birinshi oqylymda qaralyp jatqan zań jobasynyń tujyrymdamasyna qatysty Senattyń turaqty komıtetterinen ne bolmasa depýtattardyń tarabynan usynystar túspegen.
«Zań jobasyndaǵy negizgi mańyzdy máselelege toqtalsaq, avıatsııalyq qaýipsizdik týraly arnaıy bap engizilgeli otyr. Buryn ushý qaýipsizdigi degen norma bolǵan. Jalpy avıatsııalyq qaýipsizdik sharalaryn bul saladaǵy ýákiletti organ sanalatyn IKAO-men kelise otyryp, sonyń qaǵıdattaryna, standarttaryna sáıkes ázirleýge mindettimiz. Bul neni bildiredi? ıAnı qosymsha adamı jáne materıaldyq kúshterdi tarta otyryp, avıatsııalyq qaýipsizdikti qamtamasyz etýimiz kerek», - dedi senator.
Sonymen qatar ol avıatsııa salasynda qyzmet kórsetetin uıymdardyń, mekemelerdiń qyzmetine 1, 2 jáne 3 dárejeli sertıfıkat beriletindigin atap ótti.
«Mine osy dárejelerge sáıkes kelmegen jaǵdaıda olarǵa qoldanylatyn sharalar bar. Onyń eń aýyry úshinshi dárejeli sertıfıkatqa saı kelmeý. Mundaı jaǵdaıda azamattyq avıatsııa jónindegi ýákiletti organ ushýǵa bergen serıfıkaty joıýǵa múmkindik alady», - dedi ol.
