Qazaqstanda avıatsııa salasynda elektrondy qujatqa kóshý úshin jańa júıe engizilip jatyr
Qazaqstannyń avıatsııalyq ákimshiliginde «e – Freight» Qazaqstan kóligin tsıfrlandyrý salasyndaǵy memlekettik-jekeshelik áriptestiktiń alǵashqy jobasyndaǵy máselelerge qatysty vebınar ótti.
«e-Freight aqparattyq júıesi qazirgi ýaqytta bar qaǵaz qujattardy áýe kóligimen júkterdi tasymaldaýdy daıyndaý, resimdeý jáne oryndaý kezinde tıisti elektrondyq qujattar men habarlamalarǵa aýystyrýǵa arnalǵan. Jobany iske asyrý júk avıatasymaldary boıynsha qujattamany resimdeý tıimdiligin arttyrýǵa, júk operatsııalaryn óńdeý merzimderin qysqartýǵa jáne júk avıatasymaldary men Qazaqstan Respýblıkasynyń aýmaǵy arqyly tranzıttiń tartymdylyǵyn arttyrýǵa múmkindik beredi», delingen habarlamada.
Vebınarda ótken jyldyń qorytyndysy shyǵaryldy. Osylaısha, 2020 jyly júıede 84 738 elektrondyq áýe jelisi óńdeldi, 17 áýe kompanııa men 15 áýejaı qosyldy, júıeniń jańa fýnktsıonalyn qosý jáne qoldanystaǵy fýnktsıonalyn jańartý boıynsha jumys júrgizildi. Qazirgi ýaqytta Aýyl sharýashylyǵy mınıstrliginiń «Agriculture» aqparattyq júıesimen ıntegratsııalaý aıaqtalyp keledi, bul qarapaıym júkter úshin ishki tasymaldaý boıynsha áýe qoımalarynan bas tartý, sanıtarııalyq-karantın qyzmetterinen elektrondy ruqsat, elektrondy karantın anyqtamasy (sertıfıkat) alýǵa múmkindik beredi. Sondaı-aq, áýe kompanııalardyń qaǵaz tasymaldaýdan bas tartý múmkindigimen halyqaralyq júk tasymaldary boıynsha elektrondyq avıajolaǵyshty engizý úshin QR Qarjy mınıstrligi Memlekettik kirister komıtetiniń «Astana-1» aqparattyq júıesimen ıntegratsııanyń 1-kezeńi aıaqtaldy.
IIDM Azamattyq avıatsııa komıteti Qazaqstannyń qoldanystaǵy zańdaryna sáıkes, sondaı-aq IKAO standarttary men usynylatyn praktıkasyn eskere otyryp, qujattar men protsesterdi elektrondyq formatqa kóshirýge qolaıly jaǵdaı jasaý úshin zańnamany jetildirý boıynsha jumys júrgizip keledi. Avıatsııalyq ákimshiligi tarapynan turaqty negizde «e-Freight» aqparattyq júıesine qatysýshylardyń jumysyna monıtorıng júzege asyrylady. Áýe kompanııalar men áýejaılar tájirıbelerimen bólip, eskertý, usynys jáne jumystaǵy qatelik men kemshilikti joıý boıynsha mindetterdi birlesip sheshýde.
«2021 jylǵa «e-Freight« aqparattyq júıesin damytý boıynsha birqatar mindetter qoıyldy. Atap aıtqanda, 2021 jylǵy 1-toqsanda aýyl sharýashylyǵy mınıstrliginiń «Agriculture« aqparattyq júıesimen ıntegratsııany aıaqtaý jáne ishki júk-avıatasymaldar boıynsha qaǵazdardan elektrondyq júkqujattarǵa kóshý, áýe kompanııalardyń qaǵazdardan bas tartý múmkindigimen halyqaralyq júk tasymaldary boıynsha elektrondyq qujatty engizý úshin «Astana-1« Qarjy mınıstrligi Memlekettik kirister komıtetiniń aqparattyq júıesimen ıntegratsııanyń 2-shi kezeńin aıaqtaý, birqatar negizgi fýnktsııalardy engizý jáne júıeniń fýnktsıonaldyq múmkindikterin keńeıtý úshin birneshe modýl qosý», delingen habarlamada.
Keńeske QR IIDM Azamattyq avıatsııa komıtetiniń ókilderi, qazaqstandyq áýejaılardyń tasymaldaý jáne avıatsııalyq qaýipsizdik qyzmetteriniń basshylary, «Air Astana», «Scat» áýe kompanııalarynyń ókilderi, sondaı-aq «TransInfoTech» JShS jobasynyń jeke seriktesi qatysty.
