Qazaqstanda aýyr júkterdi tasýdyń arnaıy ruqsatyn berý 20 paıyzǵa artty

Ótken jyldyń osy kezeńinde bul san 21 646 bolatyn. Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.

Kóliktik baqylaý komıteti tóraǵasynyń orynbasary Áset Asavbaevtyń aıtýynsha, arnaıy ruqsat iri gabarıtti jáne (nemese) aýyr salmaqty avtokólik quraldarynyń (AKQ) QR aýmaǵy arqyly tasymal jasaý quqyǵyn beredi. Sondyqtan ony alý úshin tasymaldaýshylar júrý baǵyttaryn, ıaǵnı júk tasymaldaý múmkindigin aıqyndaý úshin naqty qaı jolmen júrip ótýdi kelisip alýlary kerek, «óıtkeni jol boıynda keıbir salmaq júktemesine arnalmaǵan kópirler nemese gabarıtine baılanysty júrip ótýge kelmeıtin jol ótkelderi bar». Ondaı jaǵdaılarda arnaıy ruqsat berýden bas tartylýy múmkin. Budan tys, arnaıy ruqsat berý barysynda tasymalǵa tıisti talaptar qoıylýy yqtımal, mysaly ilesip qosa júretin avtomobıldiń mindetti túrde bolýy nemese tasymaldy tek qana táýliktiń jaryq kezinde ǵana jasaý jáne basqadaı sharttar talap etilýi múmkin.

Sonymen qatar, AKQ-na júk artyq tıelgen jaǵdaıda tasymaldaýshyǵa jolǵa keltiriletin zııannyń qaıtarymy esebinde tıisti alym tóleýi mindetteledi. Arnaıy ruqsatsyz júrip ótken tasymaldaýshyǵa aıyppul salynady. «Bıyl biz aıyppul deńgeıin kóterdik. Buryn ol 10-50 AEK qurasa, qazir onyń kólemi 200-1000 AEK aralyǵynda boldy», - dep atap kórsetti Áset Asavbaev.

Zańnamaǵa sáıkes, otandyq tasymaldaýshylar arnaıy ruqsat alý úshin HQKO-na nemese elektrondy úkimettiń www.e-licence.kz portalyna ótinish túsirýine bolady. Sheteldik tasymaldaýshylar arnaıy ruqsat alý úshin kóliktik ınspektsııaǵa júginýleri kerek.

Arnaıy ruqsat naqty AKQ-na bir reıske beriletindigin eske salamyz. Bir tıpti iri gabarıtti jáne (nemese) salmaǵy aýyr júkterdi bekitilgen baǵytpen tasymaldaıtyn jaǵdaıda birden birneshe reıske merzimi alty aıǵa alýyna bolatyndyǵyn atap ótken jón.