Qazaqstanda aýyr jáne asa aýyr qylmystar 20 jyl boıy turaqty azaıyp keledi - J. Asanov
Bas prokýrordyń sózine qaraǵanda, qazaqstandyqtardyń jalpy qaýipsizdigin qamtamasyz etý jyldan jylǵa jaqsarýda.
«Máselen, Keńes Odaǵynyń eń jaqsy kezeńi degen 80-shi jyldary kisi óltirý qazirgi ýaqyttan 2 ese kóp bolatyn. Ol kezde jylyna 1,5 myń bolsa, qazir 800-deı. Túrmedegilerdiń de sany 3 esege azaıdy. Sondyqtan aýyr jáne asa aýyr qylmystar, atap aıtsaq, kisi óltirý, densaýlyqqa aýyr zııan keltirý, qaraqshylyq 20 jyl boıy turaqty azaıyp kele jatqanyn bar jaýapkershiligimmen aıta alamyn», - dedi J. Asanov.
Sonymen qatar, Bas prokýror zorlyq-zombylyq problemasyna qatysty ortaq pikirdiń bar ekenine de nazar aýdardy. «Biz zorlyq kórgen árbir anany, qorlyqqa ushyraǵan árbir balany ulttyq tragedııa dep baǵalaımyz. Bul aıtqanymyz qurǵaq sóz bolmaýy úshin keshendi jospar jasadyq. Onda zańnamalyq, uıymdastyrý, basqa da naqty sharalar kózdelgen. Sonymen qatar, qazir Genderlik teńdik strategııasy ázirlenip jatqanyn bilemiz. Múmkin, keıbir usynystarymyzdy soǵan engizý qajet bolar», - dedi J. Asanov.
