Qazaqstanda aýyr qylmystardyń ashylýy 33, asa aýyr qylmystar 63 paıyzdy quraıdy - ІІM
ASTANA. 24 maýsym. QazAqparat - Elimizde qazirgi tańda aýyr qylmystardyń ashylýy 33 paıyzdy, al asa aýyr qylmystar 63 paıyzdy qurap otyr. Bul týraly búgin elordada QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda Іshki ister mınıstri Qalmuhanbet Qasymov málim etti.
«Bul kórsetkishti jaǵymdy sanaýǵa bolady. Mysaly, AQSh-ta qylmystyń ashylýy sońǵy 30 jyl boıyna 21-22 paıyzdy qurap keledi. Anglııada - 32-40 paıyz, al qazir biz tájirıbesin búge-shigesine deıin zerdelep júrgen Germanııada qylmystyń ashylýy 45-46 paıyzdan kóterilgen joq. Sonymen qatar, Germanııada jasalǵan 48,4 myń páter urlyǵynyń bar bolǵany 16,5 paıyzy ashylady. Frantsııadaǵy jáne Ulybrıtanııadaǵy jaǵdaı da osyǵan uqsas. Al Qazaqstanda bireýdiń múlkin urlaý qylmysynyń ashylýy 17 paıyzdy, páter urlyǵynyń kórsetkishi 14 paıyzdy quraıdy», - deıdi Q. Qasymov.
Mınıstrdiń sózine qaraǵanda, Qazaqstanda aýyr qylmystar deńgeıi de jyl saıyn azaıyp keledi. Máselen, byltyrdan beri asa aýyr qylmystar 17 paıyzǵa qysqarǵan, sonyń ishinde adam óltirý 13,4 paıyzǵa, qaraqshylyq shabýyly 7 paıyzǵa, tonaý 5,5 paıyzǵa kemigen.
