Qazaqstanda aýylsharýashylyǵyna salynǵan ınvestıtsııalar ónerkásip salasyndaǵydan 23 esege tómen
Sondyqtanda sheteldik kompanııalardy agroóndiristi damytýǵa tartý jańa agrotehnologııalardy, aýylsharýashylyǵy tehnıkalaryn, tuqymdardy, tyńaıtqyshtardy jáne taǵy basqalardy engizýge múmkindik beredi. Bul týraly resmı derekózder habarlaıdy.
Otandyq aýyl sharýashylyǵymyz belsendi damýda desek te, bizdiń elimizde áli de bolsa ıgerilmegen úlken áleýetter bar. Mysaly, Qazaqstanda 147 mln ga jaıylym bar, ol sıyr etin tutynýshy eki iri elmen shekaralas. Bul - 2014 jyly 4 mlrd dollarǵa sıyr etin satyp alǵan Reseı men Qytaı. Osyndaı áleýetti tutynýshylarǵa biz bar múmkindikterimizdi paıdalana almaı otyrmyz.
Buǵan sebep nede? Basty sebep - joǵary óndiristik qarjy shyǵyndarynda, tabystylyq merziminiń uzaqtyǵyna baılanysty aýyl sharýashylyǵy salasyna ınvestıtsııanyń jetispeýshiliginde, aýylda aýylsharýashylyq ónimderin qaıta óńdeý men saqtaýdy qamtamasyz etetin ınfraqurylymnyń joqtyǵynda, ári osy salaǵa sáıkes mamandardyń basqa salaǵa ketýinde.
Óz kezeginde ınvestıtsııanyń jetispeýshiligi birinshi mynadan kórinedi, salanyń tómen tehnıkalyq jabdyqtalýy (aýylsharýshalyǵy tehnıkasy parkiniń 80% tozǵan).
Ekinshiden, qarjylandyrýdyń tómendigine baılanysty kóptegeni sharýalar tyńaıtqyshtardy qoldanbaı jerdiń qunarly qyrtysyn buzady.
Sonymen birge, kóshpeli qazaqtar tájirıbeli malshy bolǵan jáne fermerler búginde bul salanyń burynǵy áleýetin qalpyn keltire alady. Buǵan ınvestıtsııany tartý osy baǵytty qarqyndy damytar edi.
Onyń jemisi - ózimizdiń otandyq aýylsharýashylyq ónimderin, óz jerimizde ósken: et, jemis jıdek, kókónisti paıdalanamyz. Al sheteldik kompanııalar bizge salyq tóleıtin bolady, jumys oryndaryn qurady, aýyldyń ınfraqurylymyn jaqsartady, bizdiń jumyskerlerdiń biliktiligin arttyrýǵa kómektesetin bolady. Biz azyq-túlik qaýipsizdigin qamtamasyz etýge, ımportty almastyrýdy tómendetýge, sondaı-aq eksporttyq áleýetti arttyrýǵa tyrysýymyz qajet.
