Qazaqstanda aýyl sharýashylyǵyna jarymdy jerdiń 90 paıyzy eshqandaı hımıkatpen zalaldanbaǵan - Elbasy
ASTANA. 5 qyrkúıek. QazAqparat - Qazaqstanda aýyl sharýashylyǵyna jaramdy jerdiń 90 paıyzy eshqandaı hımıkatpen zalaldanbaǵan.
Bul týraly búgin Astanadaǵy Nazarbaev Ýnıversıtetinde ınteraktıvtik dáris oqyǵan Qazaqstan Respýblıkasynyń Prezıdenti Nursultan Nazarbaev aıtty.
«Bizdiń elimizde aýyl sharýashylyǵyna jarymdy jerdiń 90 paıyzy eshqandaı hımıkatpen zalaldanbaǵan. Bizde gendik modıfıkatsııalyq ónim joq. Sondyqtan da bizge taza organıkalyq aýyl sharýashylyǵy ónimderin ósirip, ony eldiń iri eksporttyq áleýetine aınaldyrýǵa zor múmkindik bar», - dedi Elbasy.
Memleket basshysynyń paıymynsha, mundaı ónimder búkil álemde zor suranysqa ıe bolar edi.
«Aldyn ala esep boıynsha 50-shi jyldarǵa qaraı azyq-túlikke degen suranys búkil álemde 40 paıyzǵa artady. Mine biz osyǵan nazar aýdarýǵa tıistimiz», - dedi QR Prezıdenti.
