Qazaqstanda aýyl sharýashylyǵy tehnıkasynyń jańarý deńgeıi qandaı
Onyń aıtýynsha, aýyl sharýashylyǵy tehnıkasyna qatysty kúrdeli máselelerdi sheshý úshin QR Indýstrııalyq-ınnovatsııalyq damytýdyń 2020-2025 jyldarǵa arnalǵan memlekettik baǵdarlamasyn oryndaý jónindegi is-sharalar jospary boıynsha traktor men kombaındardy qarjylandyrý maqsatynda respýblıkalyq bıýdjetten 13,5 mlrd teńge qaralsa, bıýdjettik komıssııa 2021 jylǵa 3,5 mlrd teńgeni qoldaǵan joq.
«Sonymen qatar, aldaǵy jyldarǵa qaralǵan 10 mlrd teńge de qoldaý tappady. Aýyl sharýashylyǵy taýar óndirýshileri kásiporyndaryn qoldaý maqsatynda otandyq tehnıkamen qatar sheteldik tehnıka da sýbsıdııalanady. Qazaqstanda óndiriletin «Esil» nemese «Vektor» kombaındary ortasha eseppen 40-50 mln teńge tursa, al ımporttyq «CLAAS» nemese «John Deer» shamamen 120-150 mln teńge turady. Tıisinshe, qazaqstandyq kombaındarǵa sýbsıdııalar 10-12,5 mln teńge, al ımporttyq kombaındarǵa 30-37,5 mln teńgege deıin tólenedi», - M. Jumaǵazıev.
Senatordyń sózine qaraǵanda, memleket elimizdegi sharýalarǵa satyp alynǵan bir ımporttyq kombaınnyń ornyna birden úsh otandyq kombaındy sýbsıdııalaı alady.
«Sondyqtan otandyq óndirýshilerdi qoldaý jáne qazaqstandyq aýyl sharýashylyǵy mashınasyn jasaýdy damytýdy yntalandyrý tıimdirek. Óıtkeni qoldaǵy aqparat boıynsha qazaqstandyq tehnıka úsh ese kóp satyp alynǵan. Osy oraıda sýbsıdııalaý máselesi qaıta qaraýdy talap etetin sııaqty. Respýblıka boıynsha aýyl sharýashylyǵy tehnıkasynyń ortasha jańarý deńgeıi 2022 jyldyń 1 qańtaryndaǵy jaǵdaı boıynsha 4,3 paıyzdy qurady. Al bekitken normatıvke sáıkes jyl saıyn 6 paıyzy jańarýy kerek. Búgingi jaǵdaıdy eskere otyryp, orta eseppen alǵanda tehnıkanyń jańarý deńgeıi 8-10 paıyzdan kem bolmaýy kerek», - dedi depýtat.
Budan buryn habarlanǵandaı, traktor parkiniń 80 paıyzynyń, kombaın parkiniń 76 paıyzynyń qoldaný merzimi 10 jyldan asyp ketti.
