Qazaqstanda aýyl sharýashylyǵy salasynda ǵylymı zertteý júrgizýge konkýrs jarııalandy
ASTANA. QazAqparat - Qazaqstan Respýblıkasynyń Aýyl sharýashylyǵy mınıstrligi aldaǵy eki jylda ǵylymı zertteýler júrgizýge konkýrs jarııalady, dep habarlaıdy QazAqparat.
Mınıstrlik saıtynyń «Ǵylym jáne ınnovatsııa» bóliminde 2018-2020 jyldarǵa arnalǵan baǵdarlamalyq-nysanaly qarjylandyrý sheńberindegi ǵylymı zertteýler júrgizýdiń konkýrstyq qujattamasy jarııalandy.
Qarjylandyrýdyń basym baǵyttary agroónerkásiptik keshendi turaqty damytý jáne aýyl sharýashylyǵy óniminiń qaýipsizdigi, sondaı-aq tabıǵı resýrstardy, onyń ishinde geologııa, sý resýrstaryn utymdy paıdalaný dep kórsetilgen.
Budan basqa, qaıta óńdeý, jańa materıaldar men tehnologııalar, qaýipsiz buıymdar jáne konstrýktsııalar boıynsha da zerttetsýler qarjylandyrylady.
Ótinimder usynýdyń sońǵy merzimi habarlandyrý jarııalanǵan kúnnen bastap kúntizbelik 30 (otyz) kún ishinde qarastyrylady.
