Qazaqstanda aýyl sharýashylyǵy salasyn saýyqtyrý baǵdarlamasy iske qosylady - AShM
ASTANA. 26 qyrkúıek. QazAqparat /Arman Asqarov/ - Qazaqstannyń aýyl sharýashylyǵy salasyn saýyqtyrý týraly jańa baǵdarlama fermerlerdiń jumysyn jeńildetýi tıis.
Búgin Astanada ótken «Qazaqstan fermerleri odaǵy» RQB Ortalyq keńesiniń májilisinde QR Aýyl sharýashylyǵy mınıstrliginiń jaýapty hatshysy Evgenıı Aman osylaı aıtty.
Mınıstrliktiń jaýapty hatshysy atap kórsetkendeı, atalǵan qujattyń aıasynda «Samuryq-Qazyna» qorynyń 300 mlrd. teńgesine «QazAgro» holdıngi arqyly fermerlerdiń búgingi nesıelerin qaıta qurylymdaý josparlanyp otyr. Osynyń arqasynda aýyl sharýashylyǵy ónim óndirýshileriniń ekinshi deńgeıli bankterdiń aldyndaǵy qaryzyn barynsha jeńildetý kózdelgen. «Jańa baǵdarlama Premer-Mınıstr Serik Ahmetovpen kelisildi. Úkimet maquldaýynan keıin biz ony tanystyratyn bolamyz», - deıdi E.Aman.
