Qazaqstanda aýyl sharýashylyǵy ónimderiniń kólemi 3,7%-ǵa artty
QR Aýyl sharýashylyǵy mınıstri Saparhan Omarovtyń aıtýynsha, bul aralyqta tamaq ónimderin óndirý 1,2%-ǵa, sýsyn óndirý - 18,9%-ǵa ósken.
«Aýyl sharýashylyǵy ónimderine ınvestıtsııa tartýda jaqsy ósim baıqalady. Jyl basynan beri munda 124,3 mlrd teńge ınvestıtsııa tartyldy, bul kórsetkish ótken jylǵy deńgeıden 52,2%-ǵa kóp. Ótkizý naryqtaryn keńeıtýde qabyldanǵan sharalar agroónerkásiptik keshen ónimderin eksporttaýdy 11,2%-ǵa arttyryp, tek qana 3 aıdyń ishinde 900 mln AQSh dollaryna jetkizýge múmkindik berdi», - dedi mınıstr Qazmedıa ortalyǵynda halyqqa esep berý kezdesýinde.
Sonymen birge, mal sharýashylyǵynda jalpy ónim kólemi 3,6%-ǵa ósken.
«Mundaı ósimge «Sybaǵa», «Altyn asyq» jáne «Yrys» baǵdarlamalarynyń sátti iske asyrylýy yqpal etti. Bıylǵy 5 aıdyń ózinde bul baǵdarlamalar boıynsha 41,8 myń iri qara mal satyp alýǵa - 254 sharýashylyqqa, 132,1 myń bas analyq usaq maldy satyp alý úshin - 340 sharýashylyqqa kredıt berildi. «Yrys» baǵdarlamasy boıynsha jyl basynan beri jalpy 2000 maly bar 3 taýarlyq sút kesheni paıdalanýǵa berildi», - dedi mınıstr.
