Qazaqstanda aýyl sharýashylyǵy óndirisi sýbektilerine arnalǵan geoportal iske qosyldy
Geoportal Qazaqstandy jáne onyń aýyl sharýashylyǵy óndirisin klımattyq ózgeristerge beıimdeý maqsatynda jasalyp, iske qosylýda.
Aqparat fermerler, Qazaqstan óńirleriniń atqarýshy bılik organdary, aýyl sharýashylyǵynda qyzmet etetin mamandar úshin anaǵurlym qajet.
Qazaqstan astyq daqyldarynyń asa iri eksportqa shyǵarýshysy bolyp tabylady. Alaıda, respýblıkanyń aýyl sharýashylyǵymen aınalysatyn túgelge jýyq aýdandary, jerdi óńdeýdiń daǵdarysty aımaqtaryna jatady, klımattyq qolaıly jyldary (gıdrometeorologııalyq jaǵdaılar turǵysynan qaraǵanda) joǵary ónimder alynady, al qurǵaqshylyq jyldary ónimniń mańyzdy bóligi shyǵynǵa ushyraýy múmkin.
Qazaqstanǵa, ásirese, aýyspaly klımattyq jaǵdaıda qurǵaqshylyq monıtorıngine arnalǵan geoportal óte qajet. Ony paıdalaný klımattyq ózgeristerdiń áserin jeńildetý boıynsha der kezinde sharalar qoldanýǵa yqpalyn tıgizedi.
Aýyl sharýashylyǵy óndirisiniń, astyq ónimdiligin boljaýdyń, ylǵaldylyq qorlaryn, qar qabatyn, qurǵaqshylyqty, bıoqaýiptilikterdi baǵalaýdyń monıtorıngi boıynsha ǵylymı zertteýler men ázirlemeler «UǴZTO» AQ-da 1990 jyldardan beri júrgizilip keledi jáne kópjyldyq derekter bazasy jınaqtalǵan. Tek qana osy baqylaýlar men zertteýlerdiń arqasynda geoportal sııaqty ózekti jobany qurý múmkin bolyp otyr.
Aıta ketý kerek, joba Qazǵaryshtyń «Ulttyq ǵaryshtyq zertteýler men tehnologııalar ortalyǵy» AQ-nyń BUU Damý baǵdarlamasy (BUUDB) men Amerıka halyqaralyq yntymaqtastyq agenttigimen (USAID) yntymaqtastyqta jáne olardyń qoldaýymen júzege asyryldy.