Qazaqstanda aýyl sharýashylyǵy óndirisi 3,5% ósti

ASTANA. QazAqparat - Qazaqstanda 2019 jyldyń qańtar aıynda aýyl, orman jáne balyq sharýashylyǵy ónimderiniń (qyzmetterdiń) jalpy kólemi 2018 jyldyń qańtarymen salystyrǵanda 3,5% ósip, 128 761,1 mlrd teńgeni qurady, dep habarlaıdy QazAqparat tilshisi Statıstıka komıtetine silteme jasap.

Atap aıtqanda, eseptik kezeńde mal sharýashylyǵy ónimderin shyǵarý kólemi 122 411,8 mln teńgeni (byltyrǵy qańtarmen salystyrǵanda 3,6% kóp), ósimdik sharýashylyǵy - 4 527,4 mln teńgeni quraǵan. Óz kezeginde, aýyl sharýashylyǵy salasyndaǵy qyzmet kólemi 37,3 mln teńge, ań sharýashylyǵyndaǵy ónimder (qyzmetter) 75,3 mln teńge, orman sharýashylyǵynda - 1 061 mln teńge, balyq aýlaý jáne akvamádenıette - 648,3 mln teńgeni qurady.