Qazaqstanda aýyl sharýashylyǵy óndirisi 2,9 paıyzǵa ósken
ASTANA. QazAqparat - Qazaqstanda aýyl, orman jáne balyq sharýashylyǵy ónimderiniń (qyzmetterin) jalpy kólemi 2018 jyldyń qańtar-qarasha aılarynda 4167,6 mlrd teńgeni quraǵan. Bul ótken jyldyń osyndaı kezeńimen salystyrǵanda 2,9 % kóp, dep habarlaıdy QazAqparat Statıstıka komıtetine silteme jasap.
Atap ótkende, eseptik kezeńde mal sharýashylyǵy ónimderin shyǵarý kólemi 1806,8 mlrd teńgeni (byltyrǵy jyldyń qańtar-qarasha aılarymen salystyrǵanda 3,9 paıyz kóp), ósimdik sharýashylyǵy - 2329 mlrd teńgeni (+2,3 paıyz) quraǵan. Óz kezeginde aýyl sharýashylyǵy salasyndaǵy qyzmet kólemi 11,8 mlrd teńge, ań sharýashylyǵyndaǵy ónimder (qyzmetter) 0,8 mlrd teńge, orman sharýashylyǵynda - 12 mlrd teńge, balyq aýlaý jáne akvamádenıette - 7,2 mlrd teńgeni qurady.
