Qazaqstanda aýyl sharýashylyǵy qurylymyndaǵy kooperatıvterdiń úlesi 1 paıyzǵa da jetpeıdi - A.Mamytbekov
Bul týraly búgin QR Parlamenti Senatynda ótken «Qazaqstan Respýblıkasyndaǵy kooperatsııa máseleleri boıynsha zańnamany jetildirý» taqyrybynda ótken dóńgelek ústel barysynda QR Aýyl sharýashylyǵy mınıstri Asyljan Mamytbekov málim etti.
«Qazirgi tańda aýyl sharýashylyǵy qurylymyndaǵy kooperatıvterdiń úlesi 1 paıyzǵa da jetpeıdi. 2013 jylǵy 1 qańtardaǵy jaǵdaıǵa sáıkes 1545 aýyldyq tutyný kooperatıvi, 346 sý paıdalanýshylardyń aýyldyq tutynýshylyq kooperatıvi jáne 1473 óndiristik kooperatıv tirkelgen», - dedi ol.
Bul rette mınıstrdiń atap ótýinshe, 1473 óndiristik kooperatıvtiń 1006-sy Ońtústik Qazaqstan oblysyna tıesili. Al mundaı kooperatıvterdiń Qostanaı oblysynda 1-eýi, Pavlodar oblysynda - 5-eýi, SQO-da - 13-i, Aqmola oblysynda - 15-i ǵana bar.
«Biz, árıne, munyń barlyǵyn ákimshilik joldar arqyly ne bolmasa qandaı da bir qysymmen sheshý qajet degen oıdan aýlaqpyz. Kooperatsııa, birigý máselelerine tosqaýyl bolatyn jaıttar bar. Saraptama jasaı otyryp, bizder bul úderisterdi retteý syndy problemanyń bar ekendigin anyqtadyq», - dedi A.Mamytbekov.