Qazaqstanda aýyl sharýashylyǵy aınalymyndaǵy jerlerdi tıimdi paıdalaný tujyrymdamasy jasalady

Bul týraly búgin Parlament Májilisindegi Úkimet saǵatynda QR Jer resýrstaryn basqarý agenttiginiń tóraǵasy Qadyrhan Otarov málim etti.

«Aýyl sharýashylyǵy aınalymyndaǵy jerlerdi qaıta paıdalaný úshin qor jetkilikti. Jerdiń shamamen 108 mıllıon gektar qory bar nemese respýblıka jer qorynyń 41 paıyzy. Onyń ishinde tabıǵı jáne ekonomıkalyq jaǵdaıy jaıly óńirler de bar. Sondyqtan da agenttik aýyl sharýashylyǵy aınalymyndaǵy jerlerdi tıimdi paıdalaný tujyrymdamasyn ázirleýdi aıaqtaýda. Onda aýyl sharýashylyǵy maqsatynda paıdalanylatyn jerlerdi ǵana emes, sonymen birge qor sanatyndaǵy jerlerdi de aınalymǵa engizý qarastyrylady», - dedi ol.

Agenttik basshysynyń atap ótýine qaraǵanda, jaıylym jerlerdi aınalymǵa ǵylymı negizde engizý úshin geobotanıkalyq zertteý jumystarynyń kólemin arttyrý qajet. Atalǵan jumystardy júzege asyrý maqsatynda keler jyly geobotanıkalyq izdeý jumystarynyń kólemin birneshe ese arttyrý qarastyrylady.