Qazaqstanda aýtızmge shaldyqqan balalardyń sany 20 esege kóbeıgen

ASTANA. QazAqparat - Sońǵy on bir jylda Qazaqstanda aýtızmge shaldyqqan balalardyń sany 20 esege kóbeıgen. Qazaqstan Respýblıkasy ulttyq-praktıkalyq túzetý ortalyǵynyń məlimetinshe, eger 2003 jyly elimizde aýtızm aýrýy anyqtalǵan 77 bala tirkelse, 2014 jyly aýtızmge shaldyqqan balalardyń sany 1 456 balany quraǵan.

Al, Densaýlyq saqtaý jəne əleýmettik damý vıtse-mınıstriniń aıtýynsha, Qazaqstanda jyl saıyn aýtızm sındromy bar degen kúdikpen 100-ge jýyq bala tekserýden ótedi eken. «Bolat Ótemuratovtyń qory qolǵa alǵan bul bastama barlyǵyna úlgi bolarlyq dúnıe. Jalpy, jyl saıyn aýtızmniń belgileri bar degen 100 bala anyqtalady. Bir kúdik rastalsa, qýanyshqa oraı, keıbir balalardaǵy sındorm rastalmaı, olar kədimgi ómir berip jalǵastyra beredi. Al, búgin ashylǵan ortalyqtyń paıdasy óte kóp, sebebi bul jerde medıtsına mamandarymen qatar, pedagog mamandar da jumys isteıdi. Memleket te óz tarapynan bala men ana densaýlyǵyn qorǵaýǵa kóńil bóledi»,-deıdi aýtızmge shaldyqqan balalarǵa arnalǵan «Asyl mıras» ortalyǵynyń ashylýynda S.Qaıyrbekova.