Qazaqstanda aýsylǵa qarsy vaktsına shyǵaryla bastaıdy
«Bıologııalyq qaýipsizdik problemalarynyń ǵylymı zertteý ınstıtýty janynan zaýyt ashyldy. Onda aýqymdy zertteýler, tájirıbelik-ónerkásiptik synaqtar men sátti shyqqan zertteý jobalaryn keń aýqymdy óndiriske shyǵarý jumystary júrip jatyr. Vaktsınalarǵa kelsek, qus tumaýy jáne aýsylǵa qarsy ekpeni aıtýǵa bolady», - dedi Kúnsulý Zakarıa Astana halyqaralyq forýmy barysynda QazAqparat tilshisiniń saýalyna jaýap bere turyp.
Ǵylym akademııasy basshysynyń aıtýynsha, elimizde taıaý arada aýsylǵa qarsy ekpe shyǵaryla bastaıdy.
«Aýsylǵa qarsy vaktsına boıynsha álemdegi jetekshi «Boehringer Ingelheim» kompanııasymen aýqymdy kelissózder júrip jatyr. Biz jaqyn arada birlesken ónim alýǵa qol jetkizemiz dep oılaımyz. Atalǵan vaktsına óz elimizde óndiriletin bolady. Qus tumaýyna qarsy vaktsına qazirdiń ózinde óndirilip, satylyp jatyr», - deıdi K. Zakarıa.